starbucks

9月29日
好不容易到了thurs, 今天因為保險箱的stuff關係又請了半天假... 心中想請sick leave, 但係最後都係take AL...
一早係咁俾Dicky話個Intf File有bug, check左成朝... 終於發現原來係佢個report有問題...
下午去左交通, 咁大個人第一次見到保險箱, 大開眼戒, 好似入左個好secure既房gum, 由其係那道門...
晚上和Ting係MSN講左兩句就出左去... Cat話阿sir讚佢畫畫進步得好快, 之後希望佢畫雲都會畫得咁好...
很久沒有去starbucks, frapuccino好好味, 說的話好白痴但係知道是真的, 幫到的話也希望到時是真的, 始終一個人的力量是有限...

漫遊的中間

9月28日
星期三, 一個星期的中間, 今天出奇地感覺到很多事情也都到了中段, 到最後的總是做不完, 又或是沒有心機/膽去完成...
整天心情都有點忐忑, 集中不了精神, 不過身邊的人也都不察覺...
和cat食lunch, 原本想去的那一間沒有了... 那些畫很正, 我都想擁有那張, 但是看來沒有行了...
阿公今日返醫院覆診, 看來進展都算順利...
晚上看來發生了一些事, 雖然不明白, 也想share with her, 但是看來還是讓她獨自解決較好

sensitive x2

9月27日
帶點忙, 帶點灰的一天.
阿公做完X-ray刀, 本來很理想, 但係有o的頭暈, 不知是不是出了問題, 很擔心, 要吉人天相...
返工是也只是很忙, 即使忙裡偷懶打電話, 也都只是說了幾句, 雖然已很安慰...
晚上很free, 只係睇左一陣notes, 打左一陣機...
儘管說錯了話, 但是只是無心之失, 得意忘形之過... 時間慢慢改善中了...

sensitive

9月26日
終於都到了今天, 又是有些事情要紀念的時候, 不過大家都冇特別拿出來說, 一切都只係好平靜
生活不是正常的生活, 飲食再也不是正常的習慣, 連mode也不是正常的, sense到平常sense不到的音樂, 人, 車, 以及scene... 覺得一些平時不會覺得的東西...
晚上很累, 但仍叫了cat出來, 一樣的行動, 不一樣的地方, 沒有特別的紀念, 有的是親切的笑容, cat的, 母親的, 還有父親的...

什麼也沒有幹的一天

9月25日
每逢星期日就係咁... 一瞓就到1點, 睇完destiny, 之後去公園做一些運動, 就完了
下大雨令到我的身有點濕, 晚上吃晚飯差點冷親
出於內心的內疚, 決定每個月俾多500阿爸, 但係只係杯水車薪
即使早左打俾Cat, 仍逃不了睡魔的侵襲...

能回歸, 也有點運氣

9月24日
今天起身, 同阿媽及妹姨一齊陪阿公去養和醫院睇腫瘤科, 一早見到阿公右邊手腳已經唔郁得, 心中暗叫不妙... 等到11點終於有得睇, ... 睇完之後原來還是有得醫的, 用什麼X-ray刀去腦腫瘤, 再去化療, 那都可以有多幾年... 雖然要用到6位數字, 不過總算是買得到的健康...
終於可以心情輕鬆的去街, 入了馬鞍山, 又再行番去大學, 不過今日o的天色好怪, 時出太陽時下雨, 但係行海邊同坐馬路都係超正... 想睇戲很久了, 今天也都終於如願...
晚上返家知道父親要唔做野照顧阿公, 心中很不願意, 但是在魚與熊掌不可兼得的情況下, 只有希望對父親不會有負面的影響... 結果還是很擔心, 但是也都無能為力

遺憾的一晚

9月24日
lunch同Cat食, 感覺佢今日好清新, above average大概係這樣子...
去了一間特別的書店, 有著戰戰兢兢但係又要強作鎮定的樣子... 看到其中一本書很有興趣, 因為覺得同自己諗的事有些相似, 雖然不需要肯定, 但有時還是想有被肯定的感覺... 搞到遲左返公司...
如果說人生一定有遺憾的話, 今晚一定係其中一個會記得的
今天, 係阿公出院的日子, 在還算正常行動之時, 同阿婆及一整家人食飯, 度過可能是一大伙人最後一次的阿婆的牛一, 可惜... 下午因為公司有IPO event, 又有個Splitting PAL, 因為一些很玄的原因掛掉, 再者又urgent... 被上級再三催促... 不做完跟本不能走... 做到9點幾... 家人都吃過飯了, 離開了, 我也去不到... 我是不想的, 返家的時候很自責, 但是我真的不想的, 只係很自責, 覺得自責會令自己的心好過一點而已...
ps 多謝Wylie的sharing, 感動~

變化無常

9月23日
記得有事要打下的, 但是忘記了... sigh
lunch返到阿婆家吃飯, 但係她一句說話也沒有, 真的很擔心...
以為阿公今天出院, 可惜又要再驗多一些東西... 明天一定要趕及出來了... 很怕是他吃得好的最後一餐...
人生變化無常, 更明白珍惜的重要...

得力在乎平靜安穩

9月21日
6點就起左身, 其實根本冇睡過, 陪媽去左醫院探阿公, 精神很好, 可惜右手已經冇乜力, 自己刷牙也都不行了... 妹姨的眼腫似雞蛋, 大家都在裝笑, 只有阿公自己真的在笑...
今天請假了, 發生了太多事, 身心都受不了, 但是一返家就讀書, 感覺一定要o的時間用得efficient...
同阿婆一齊食飯, 阿婆一句聲音也沒有發出過, 很快的吃完, 我拍拍阿婆的背及肩, 她的淚水就湧出來了... 周五就是她的牛一, 今年會是很慘的一年...
(得一高人指點)所謂得力在乎平靜安穩, 如果要有力量, 就要有平靜的心, 及安穩的感覺, 以及安穩的環境, ... 要與大自然融合, 才會有生機... (那就是說... 到了要浪費時間的時候了... 就係午睡...)
之後入左中大, Cat未放, 去左新思維, 一邊睇書一邊等, 等左差不多成個鐘, 不過冇計了... 原來"有性格"係畫方面係咁解, 今天又有新的體會...
係沙田下了車, 開始時氣氛很僵, 一會後終於心情都放鬆了... 也許我什麼都不明白, 但是在我看到的範圍內, 太好了... 行過IKEA, 找不到上次Cat很喜歡的那set組合櫃, 有點失望... 之後想過行過獅子山的, 但是沒有map, 也不認得路, 還是放棄了...
第一次坐到去尖東, 那條tunnel雖然很長, 但很舒服... 手臂上多了一些東西, 想著原來表達方式的確可以有很多種 (那些東西到現在還在...), 不過這樣也好, 至少是溝通的一種...
飲左兩罐菠蘿啤, 今天終於平安度過了...

Looking for a good life...

9月20日
如果說今天什麼都沒有發生, 那樣的謊話, 說不出...
首先的是grandfather中風入院了, 雖然算不上很嚴重, 但是很多事以後都不同了, grandmother的牛一, 唔知點算... 舖頭, 唔知點算... 很替他們擔心, 父母都去了醫院, 如果明天出不了我都會去... 心中籠上一層灰色... 今天lunch時還與他有說有笑的...
二是終於看完了那段, 其實對我來說, 什麼事也沒有強作出來的, 什麼事也都是心中所想的, 不過看來再說也是徒然, 也想不到對著的人, 對我的感覺原來是這樣的, 也都是我太疏忽了...
如果要數今年最黑的一天, 我諗今日冇第一都有第二...

追月

9月19日
追月天除左打機做gym同讀書, 沒有節目了, 不過生活也不見得特別平淡...
無端端不知道發生什麼事, 不過事情就是發生了
雖然沒有權要別人接受, 但是任何事情也總有辦法會克服的, 就讓大家一齊付出心意吧~

中秋節

9月18日
終於到要中秋, 不過要晚上先出動, 下午去左swimming, 見到fast lane入面有兩個父親分別係咁train自己個仔游水, 兩個都計時4式200米, 真係超感動...
晚飯過後就買齊東西出動, 有得玩楊桃燈籠真係好hyper, 回歸小朋友的感覺... 另外要玩火專家阿Cat幫手真係有o的瘀...
之後入左維園但係一入去就話關門... 原來係那個什麼遊戲而已... 嚇死... 拍過照後, 玩了那個便利店遊戲的lite版, 都幾好feel... 最衰都係我唔係太飲得... 哈哈...
行北角海邊... 也還是第一次呢...

打風

9月17日
一早就去左swimming, 第一次游咁多... 自己覺得幾好hyper...
食完飯又打風又落雨, 想著誰約也不出去了, 不過諗左一陣, 都係等細雨一些時出去了...
行左很多意想不到的路, 賞過意想不到的月, 一切也都意想不到...
迎月的維園原來沒有東西看的, 今年才知道...

早放工

9月16日
很久沒有試過6點幾離開公司, 真的很爽, 出到街個天仲未黑的~
不過看來Cat很忙呢, 又要畫畫, 又要準備present的stuff, 又要幫人做野...
這陣子很努力想遇到好的事, 但是只能算是平平的... 希望來緊的幾個月會好一些...

遲x3

9月15日
終於有一天起身的時候係精神的, 但係都係遲到...
lunch同Cat食飯, 去左表哥, 都有一年冇去過, 其實o的野幾好食, 但係幾貴的...
返左去冇再同老闆嘈, 因為都明白對錯都冇意義的, 不想說了...
遲了放工, 遲了做gym, 什麼都遲了...
12點幾, 快手冲涼, 講左陣電話, 時間短但係講左好多野, 也明白了一些, 總之就是有點溝通的感覺, 雖然想有個好點的mood...
PS 如果什麼都不說, 那麼談話用來幹什麼呢... 就是工作上交往的工具吧, 難道真的想這樣嘛... 這個也不是我選擇的

父親

9月14日
復工了, 仍是很多野做, 不想提
下午回家吃飯時坐了父親的小巴, 印象中上一次坐已是很久以前的事, 感覺距離又近又遠, 幾奇怪, 但係好開心
今日放工很早, 但係很累, 不去那個最討厭的約會, 心中很爽~

屯門元朗遊

9月13日
今日放假, 一早起身去左游水, 一游就落雨, 一上水就好天...
以為Cat放兩點幾, 誰知一點就走得, 結果接唔到佢放學...
買左Pancakes的tickets, 有90, 120, 150揀, 最後揀左120, 其實想試下150的, 不過覺得佢唔like, 所以算了...
本來心中想去又一城, 但係因為個巴士歷險的idea的關係, 最後坐962去左屯門, 去左佢細個住既地方, 老實說都幾ok的...
之後坐輕鐵去左元朗, 大學的definition真係笑死, 我又第一次坐輕鐵, 超有歷險feel... 係元朗市中心食左dinner, 諗住去YOHO town... 原來只係一個屋苑, 笑死... 仲諗住會有野行... 之後去左食B仔涼粉, 入左去但最後係食意米糖水, 冇食到涼粉, 諗番都覺得搞笑, 都唔啱key既...
坐西鐵出返來, 去到中環又買酒飲, 經過當年與Roy及Steve走過的那段... 心中懷念那個時候的時光, 只是一切都過去了...
同Cat坐左出海邊, 比起上次多了一份穩定的感覺, 天上的雲變化很快, 就如"走"一樣, 都是估計不了的...

沒事發生

9月12日
其實日日都返工放工係好悶的, 所以沒有很多特別的要記下
Michelle說想問下Joey Concert的tickets, 我都係盡力問下, 不過今次太遲了... 想起上次同佢睇都係兩年前的事, 時間真快... 心中都曾想過今年去睇的, 不過都應該不會了...
因為明天放假的關係, 今晚OT, 做到9點幾, 搞到同Dept Head差唔多時間走, 情況都幾搞笑...
晚上電話中說了不開心的事, thx for listening...

運動日

9月11日
今日只係手腳自己係度做運動, 早上去游水, 下午就做gym, 成身散哂...
最差的是俾其中一個PT約左做gym, 次次都避開佢地的, 但係今次避唔到, 真係bad luck, 感覺好好差... 對這些人真係不用仁慈的, 不然自己就會受害了...
知道了家中的一些事, 令我又想了一會, ... 很多時都覺得自己是不孝的...
唔開心積埋積埋會死的, 所以唔開心一定要講出來...

步行日

9月10日
今朝知道公司的task搞定了, 心中的大石放下, 更放心的遊玩
1130到左中大, Cat剛剛放學, 終於見到傳聞中的rainbow, 都"ok" ar... HAHA
行左一次, 雖然不熟地方, 但係就總係覺得處處都係以前陪人影grad photo時走過, 心情很奇怪, 因為沒有想像中的思念... Cat成日都見到熟人, 我都幫佢唔到... 無端端係天台邊行, 真係唔睇實都怕出事...
之後沿單車lane行番去大圍, 真係那條路, 單車就行左n次, 步行就真係第一次, 想不到那個feel也不錯的~~ (很累了, 晚上冇做gym了...)

OT到11點

9月9日
除左OT到11點, 真係諗唔到什麼可以說的事
第一次Angus請食飯, 其實一齊做到咁夜沒有什麼大不了, 問題是一定要solve的, 唔係就大件事了... 明天再+oil
晚上的Cat總是感覺對不起她, 因為晚晚都唔夠精神陪佢chat on phone...

Dressing

9月8日
雖然dressing是不重要, 但係dressing有時會令到個feeling有o的奇怪...
整天都很熱, 但是心中涼快
沒有磨練就不會有成長, 只係有o的入左尖既感覺, 不過夜晚諗下諗下又通番...
想起很久以前的事, 醒起"沒有事完成不了是不行的", 以前都是這樣, 只是一時忘記了...

半天假 (3)

9月7日
今日一早起身見心病, 所以請左半日sick leave...
諗住去游水, 唔記得swimming pool逢星期三洗池... oh no... 所以去左公園跑步, 出左汗ok舒服
下午返去, 又要同vendor開會... vendor個賴皮PM又出高招, 令到我老闆都冇聲出, 真係... 多多汗見到佢都會流乾... 汗...
Oracle Tuning都要諗下點搞... 真係要Search and Try... OT了很久, 食完飯都成11點...

Testing Machine

9月6日
今天係表弟牛一, 雖然記得, 但係自從高中以後與他沒有contact了, 所以也都冇什麼feeling
返工成日都係係度UAT, 仲有merge source, 都係咁上下, 改個小bug都要幾個小時...
其實諗諗下, inhouse既做野style始終唔啱我, 只係係咁做vendor又冇乜前途咁, 有時諗真o的都幾唔開心, 反正conclusion都係一樣
晚上走時Anthony講講下就話我係"2 boat"的人, 當然唔係了, 但係又駁佢唔到... 仲叫我介紹佢識... 佢去年先結左婚, 仲搵o的咁既笑來講... 真係搞鬼
之後同Cat出左去Admiralty... 夜了正常的書店當然是關門了的, 禮品商店的東西其實style ok的, 不過我諗我喜歡的東西大概太普通...
最後想講係香港的light pollution... 真係太... 沒得救了...

懶了~~

9月5日
今天有新的開始feel, 九月... 開工的開工了, 開學的開學了...
只是返工久了, 對開學的時光也漸漸的忘記了, 聽著別人談著上了一堂又一堂的喜悅, 再也沒有很大的代入感, 不過我諗總比沒有得去代入為好...
其實早幾天入過Poly, 早已勾起當年的大學生活的樣子, 那個於忘記與未忘記之間的認知, 忽然發覺很難記起... 即使再見返大學時的朋友, 再也沒有了當年的感覺... 大家都已在社會中努力了~~
晚上本來很睏, 但是本著自身的意志, 一邊讀書, 一邊等, 終於等到了...

沉悶的... Sun

9月4日
經過精彩的很多天後, 今天回歸了平淡
除左hair-cut同做gym, 什麼都冇做過, 但是得到的, 卻是難得的平靜~~

紅磡, 尖咀遊

9月3日
一早10點返左公司, 好彩一切smooth, 一個hr就走得
去到Poly, 遊左一陣, 等Cat賣完旗一齊食飯, Poly個Canteen都算ok, 不過就係好多時都要"包底"...
之後行尖咀海邊, 各種行既方式都試過了, 走到The Little Gym, 見到好多細路, 同佢企係度一齊睇左成個小時, 有喜歡的也有不喜歡的, 但只要是小朋友感覺就係好得意~~
本來話去睇什麼film的但最後去左玩具反斗城, 不單Lego得意, 玩那個恐龍的玩具真係搞笑, 好似細路咁排隊, 但係... 哈哈
睇小朋友玩真係好開心既~~

monster@night

9月2日
日間的唔寫了, 又係開會之類的, 沒有特別
晚上OT到10點半, 要Cat等左1個小時, 好彩佢冇怪我
食晚飯的地方又平又好食, 我諗會encore~
之後又monster又小朋友的, 都會記著的...
quality永遠比quantity重要, 細膩的感覺

Hyper Lunch

9月1日
返工時間愈來愈遲, 遲早實會俾人warning, 但係體能上又支持唔到... 好多時都好眼瞓...
又係返左成日工都唔記得做乜, system testing同setup都用左大半日
lunch同Cat食飯, 第一次見佢咁著衫, 其實沒有什麼問題, 只係感覺有點奇怪...
晚上終於可以做gym, 一個星期除左做gym, 冇一晚返家吃飯, 我諗阿媽係唔開心...