Halloween

10月31日
Happy Halloween! 一年一度的Halloween又到了, 不過今年冇任何的活動了, 雖然中環蘭桂坊有o的想去, 但係因為Cat唔得閒的關係所以算了(不過早知最後係咁就去左算了... -__-!)
今日其實都ok順, 返工放工食飯打機都係咁上下, 今晚做practice的成績差了, 很多時被人"陰"到, 考的時候真係要好小心先得...
咁就一年了, 記得去年是這個時候轉工的, 想起一些往事, 很想念當年Prosticks的同事呢, 今晚有少少時間回看那些相, 出來工作以後還有一刻天真的笑容, 也就還只有那些照片而已... 長大後的朋友, 很難敵得過時間的沖洗, 不是說大家變了, 環境變了, 同一杯酒, 味道不一樣, 以前KC的, 以前BC的, 以前U的, 以前同事的... 明白了, 都接受了, 要向前看呢~

牛一

10月30日
雖然KC又有gathering, 但係就係提不起勁去join... 有點失去了熱情的感覺
一樣的12點起身, 一樣的lunch, 一樣的gym (hyper時候跑左4k... haha), 只是不一樣的晚飯
很久沒試過, 父母一齊celebrate牛一, 見佢地大豐收, 有o的覺得開心過自己牛一... 富都的牛尾煲, 令人回味
之後係Causeway Bay, 終於見到阿琴, 原來係咁樣的, 不過是一個照面就走, 其實可以傾多兩句... 哈哈...
要小心身子, 胃痛長手尾的... ~__~

忘記了

10月27-29日
因為家中的電腦有o的問題, 入極都入唔到這個admin page, 所以有多天冇打了...
27號除左lunch的牛腩飯有o的disappointed外, 其他的不記得了...
昨天就只係記得IPO, 做到好夜, 同埋同老闆傾左成個鐘, 返到去已經累到什麼都不想做...
今天一早就做左個test paper, 成4個鐘, 做完已經狀態大跌, 好彩分數仲算ok, 但係太margin, 應該可以再好o的...
下午4點出左去TST, Sogo TST令人失望, 之後行下行下去左黃埔, 見到個碼頭諗起第一份工的往事, 再入見到好多野食, delighted mood, 但係因為Cat冇胃口, 最後係好普通... 下次要食好o的...
行下行下再行左去黃埔舊區, 唔識路找巴士幾好玩...
之後再說的, 感覺很好, 一邊解釋, 一邊再一次的自我肯定

有點累

10月26日
出左糧當然開心, 但係早陣子的任性令自己用多了錢, 不得不小心一些了...
今天很累, 昨晚很遲才睡, 早上返工見到Cat online, 如果望番之前的timetable, 發覺很多時佢有lecture的時間都係係度的, 哈哈~~~
program出現了奇怪的bug, 好彩只係細公司有問題, 唔係真係...-___-"
晚上很累, gym也冇做了, 傾電話的時候差不多睡著, 也許做sample exam真係太多了... 說得有點像夢囈般, 難為你了~~

走著, 再走著

10月25日
今天... 返工來說, 不太好的一天, 總是不是我做錯事, 但是總是我在理虧...
做事不跟"足"formal procedure, 想替同事行個方便, 結果就是自己被話了... 對別人好人, 即係對自己殘忍...
晚上很早就走了,一見到Cat佢就帶我去睇左o的野, good idea, 隨著心去做就ok了... 哈哈...
食飯那裡是新嘗試, 但是看來沒有期待了, 雞撕粉皮, 未食過熟雞的老實說...
以前沖涼的木水桶要8千幾一個, 我諗買的那個也是精神有問題的...
走過多次的路, 坐過多次的地方, 一切都不陌生, 多個月來, 和她都是這樣走過來的, 也冀望繼續的走下去...
這次, 是擁有笑容的一刻

善意, 矛盾

10月24日
今日Stephen同Angus都冇返, 返工同放假冇分別, 成日都係係度唔知做乜, 冇乜"世藝", 打左一大篇東西, and nth special else... 成日online都冇左個人, 沒有什麼mood, 希望快o的返來~~
晚上收到email改期成功, 可以做多兩個Practices先去考... 希望考得ok就得了...
再晚上打電話, 原來佢已經睇左, 心中所想, 繫於一點, 善意的, 交流...

感觸

10月23日
因為昨天做左gym今日唔使做, 起身已經係12點, 可能昨天已經成日被人嚇完今日只係ok mood...
下午約左潔姨睇戲, 戲ok緊張但係心中最懷念的是pop corn... 吃到好開心...
晚上食翅超high但係其實人有病先食會唔會遲左o的... 咁樣返而好刻意... 好憎....
再晚上的, 記住了, 沒有怪你, 不要放棄~

Halloween@Ocean Park

10月22日
星期六,一早起身去左做gym, 返來食過飯, 等Cat放補習...
到中環已經3點幾, 剛過了畫展的時間, 唯有遲些再睇下陪唔陪到佢睇...
去M記食左o的野, 好快的坐車去Ocean Park哈囉喂~ (小弟咁大個都未去過有o的驚其實...)
入左去已經人山人海, 中西鬼走在一起感覺很搞笑, 那些廣播說唔准帶尖物入內, 及唔准觸摸工作人員更是笑死~~
廢墟, 京劇院, 瘋人院等都係精心的design, 但係那些路邊的cosplay, 影影下相仲嚇人都係超抵死...
最麻煩的要算是排很長的隊吧, 但係其實都唔係悶的... 還順道去了海洋館tim~
很充實的一個晚上呢, 返到屋企見有o的暈...

聽talk

10月21日
因為今日會同Dept Head一齊去聽talk的關係冇得著便服... 慘...
lunch見到Cat佢戴番以前的眼鏡感覺很新鮮, 斯文了, 但是知道是心情的緣故 (好彩一眼睇得出, 唔係後果就... -__-"), 游水不夠喉... 他日補番吧~~
下午公司超嘈做野冇心機, 行下企下又要5點... 同老闆一齊出去諗住有機會加下分, 但係最後失望而回... Appraisal Form我諗係最後機會了...
塔門trip係有o的interest, Kallen同Vincent都會去, 但係近exam(如果reschedule到的話), 真係15,16...

沒有題目

10月20日
不記得這天的事了, 一切都很怪, 知道unhappy同pretend to be nth的situation, 但是說不出口...
溝通channel很差, 簡單的一兩句也都會會錯意, 大概是正能量不夠的原故...
grandpa電療後身子很差, 脾氣不好, 行得很慢, 很擔心... 明天要再看醫生睇睇發生什麼事...
生命同健康, 都是比想像中更應該珍惜的東西~

放假, 黑...

10月19日
昨晚搞到太夜, 今日就乘機蛇王啦... 誰知原來仲黑...
一整天都見唔到Cat, 心中大概都想到是什麼事了... 還是可以的, 只係自己都在煩...
阿公電療今天開始了, 但係有反應, recover又慢, 更是令人擔心... 我陪佢行左一段路, 10分鐘的路行左一個鐘...離3個月的時間愈來愈短...
lunch後在家問左exam rescheduling的事, 佢地竟然叫我IDD去Malaysia個center那邊去改, 真係痴線...
HSBC個Premier account無端端要叫我錢, 都唔知佢做乜, 又叫人group埋o的account, group左又要收錢, 總之乜都要俾錢...
做完gym, 返到家發呆, 做practice exercise都冇mood, Cat返來, 看來諗通了一些, 電話中我滿是抱怨, 對不起了...

病

10月18日
仲有一個星期就出糧, 一起身就期待~~
返工沒有特別的事, Vincent今日lunch返來office一陣, 大家很快就被佢既"吸引力"影響而起哄~~
晚上早走了, 見到Cat唔舒服, 心中忽然很亢奮的還去了"xx吉"食日式炸野, 我就覺得好正, 不過佢就愈食愈咳, 想谷病就係咁, 其間見到"丁滿"又係一笑位... (搞到佢太飽連薯片都食唔到... 哈哈)
一邊行見佢唔多掂, 想帶佢返家但係中間發生一些事, 去左海邊但係幫佢唔到, 心病都是需要時間的, 沒有放棄過, 至少我自己是這樣

錯事的一天

10月17日
最怕做錯野, 今日又有一單... 上個Fri唔記得左行個report, 那個report要行一日的... 今朝返到去先記得, 馬上run, 但係為時已晚... 所以今天很遲走, 但係冇claim到OT... 都唔緊要, 最怕係累到人... 真係... >.<
記得從某處看過, 知道工作上做錯事其實係好平常, 但係當自己要面對的時候, 要有承擔責任的勇氣, 始終明白, 知道, 但不好接受...
返家後堅持要溫書, 一來怕真係reschedule唔到, 二來到了認真的時候, 無心的令到Cat不能落街陪friend食宵夜, 心中有o的過意不去, 又是大意的後果... 雖然, 最後沒有說出來...

沒有題目

10月16日
星期日, 沒有什麼可說, 也是一樣的schedule, 只是做gym, 做以前download定的sample papers, 又過了一天
sample papers的問題很難也都很好, 我為了完成它們, resechedule個exam後2個week, 但係個server壞了, 遲下一定要再試... 很想考好o的, 真的很想...
因為傷了的關係, 做gym時由15 min跑3k改為20 min划艇4k, 運動量係低左o的, 但係身體要緊...
買左Halloween tickets, 期待中~

已成過去的事實

10月16日
一早起身已經係1點, 俾阿媽罵瞓都唔去游水...
搞掂自己已經係3點幾, 即興的去左Stanley, 坐車用錯了一個比喻...
行左一陣, 睇過畫展, 知道不是她喜歡的style, 知道她的夢, 坐過石灘, 看過日落...
吃過很多菜的飯, 步行出走Stanley, 因為自己的膽顫中途放棄...
去到香港仔, 找著以前的碼頭, 以前的活動, 以前的人, 不能再復回的事, 雖然說過很多遍, 但仍有很多的傷感...
坐車回去, 下車的地點有令自己懷念的過去, 想再嚐的東西, 進去了, 飲上半杯, 很開心, 上次老闆說的, 今次都應驗了...

便服日

10月14日
夜晚發左個夢好怪, 走避龍捲風原來係超危險... -___-"
今日冇會開+Fri所以著便服... 超開心...
Kallen約左佢o的friend, 加上今日special mood, 所以自己食, 但係食得好求其...
下午至晚上Cat的schedule都是滿滿的, 成日見佢唔到有o的忐忑, 等到晚上總算打到俾佢了...
聽著的歌, 找到一首喜愛的, 正~~

開會天

10月13日
今天開會, 上午一個, 下午一個, 死得... 都唔知做乜, 成日開會... 咁樣點做野? 仲要下午對住那個賴皮PM, 真係食龍肉都冇味...
lunch阿Cat同我上左倉, 但係唔知點解今日冇默契, meet極都meet唔到, 有o的炆... 攪到遲到... 不過其實都開心的, 起碼都有返野食lu...
今晚諗住讀書但係原來連本野都冇帶出來... 不過冇所謂了, 因為根本係放9點, 冇時間, 冇精神, 心有o的內疚...
放學又見到Cat, 佢放畫畫, 一齊食o的野, 去左MR STEAK但係冇食扒有o的白痴... 梳乎里ok...
今晚我心情唔好但係佢冇怨言, 反而那句"唔好唔開心啦"聽了後心中很感動, 大概純真的才會有這個樣子, 感到這個感覺才是最開心的, 大概別人不會明白, 不過不明白都不重要, 重要的存在著就可以了
了...
晚上太累了, 冇傾電話, 有點不安的感覺

奇怪的臉

10月12日
星期三, 返工冇乜特別, 老闆突然的要求, 很難的fulfill也都做了... 什麼什麼formal procedures, 也都會跟, 欠的, 只是一鼓幹勁...
lunch食飯笑死, 那張畫大概是她, 但是係一個不太能接受的image, 那個笑容至今還記得, 很怪, 但是心想也都像她...
原來食完飯俾同事見到... 返到公司, 係"四眼妹"同"返家"之間, 俾Dicky哥笑到放工... 真係... 無奈了... 哈哈~~

港島半天遊

10月11日
重陽假11點先起身, 同阿媽傾左陣阿公既事, 見到阿公情況又差返, 都幾令人擔心... 原來好返係食左藥之後既假象...
下午出動, 先去左新華書城同Cat會合, 玩估去邊遊戲, 哈哈笑死, 最後去左筲箕灣, 去到佢都未知我想去邊...
去左海防博物館但係去到已經係就close, 冇計唯有下次去過... 久違了的安利魚蛋河及切腩河, 食的時候好感動但係睇唔出的...
坐電車返到上環街市, 去滿記食過班戟, 都係好耐冇食過, 難得佢請應該食多o的... SOHO area今晚冇乜特別, 只係係那邊遇上roger... 冇intro有o的gap...
返到中環傾多了一些, 中間多了一些明白, 也有很多的感動... 灣仔的路上的交流也都明白, 其實慢慢的也會好的...

人放假我返工

10月10日
今日公司超少人返, 個個都係4日假...
做野好free, 但係唔知點解都係n咁多樣野做, 本log book都係滿哂...
又有事想寫但係唔記得左...
還有要買零食... 公司的吃完了...
晚上講電話成日都太累sorry...

再來平淡的一天

10月9日
幾來發覺每個星期日都只係做同樣的事... 都係11點到起身, 食炒烏東做lunch, 跟住做gym, 返家shower+食飯, 溫下書咁, 又一day...
好事? 定係唔好事? 諗諗下自己都唔知...
早幾日整親左腳, 行路有o的痛, ... 希望快o的好番...
平淡是福~

哈哈~~笑死左

10月8日
9點幾起左身, 簡單的reg完exam, 已經係12點... 本來想游泳, 但係一來沒有時間, 二來太凍了, 開始唔想游, 想踏單車...
食過飯理過髮, 到見到Cat, 已經4點, 除左服飾style有o的感覺唔同之外冇乜點變...
去左旺角Langham, 行左一次, 知道多左一些... 重回Suzuki, 除左有了一些回憶, 還有是比上次合心的食物...
秋天的風很正, 行路再多也不覺不舒服...
之後睇超級無敵掌門狗之世紀大騙兔, 有幾個笑位笑到眼淚都出埋... 想不到掌門狗比想像中的好睇...
身體, 一定要小心照料...

上到網了~

10月7日
終於又到了Fri, 便服真係好舒服, 所以唔減肥唔得了, 至少個肚唔可以再大下去... >.<
今日server又死, o的人又做錯野, 又要data fix, report又唔知點解錯, 真係好煩... 唔想再做data fix... 好大壓力的...
好彩終於有一樣好的, 就係換左router, 終於可以上到網lu... 太感動了, 馬上reg左exam, 係遲了點, 但係應該要做的了...

沒有題目

10月6日
昨晚瞓得唔係太好, 今日一起身.. 遲左... 所以take AL for a.m. ~~
早上做左gym, 很趕的, 沒有時間同Cat食lunch, 但願沒見怪...
下午返到公司, 一返就有"大穫野"... 一個人click錯一個button, 我就要用4個小時收拾佢既殘局, 真係想"delay"佢... 搞到我o的時間冇哂...
晚上見到Cat online... 咁有心當然同佢講一陣... 之後想走時又有"大穫野", 搞左2個幾鐘發覺係false alarm... sigh... 返到家已經係10點...
PCCW 那件router還是未用得, 明天希望佢快手搞掂...

同一地點, 不同的時間

10月5日
睡牀頭的話工作上會不如意的, 看來是真的... 但是睡牀尾身體會有事... 唔知點算...
今日有兩間IPO cut-off, 但係都係雨點小, 一陣就完成, 但係自己o的野做唔完既... OT...
等到Cat同Cristy補完習, 去左食魚蛋河, 但係今次就好重味精... 算了...
行下行下都係去左那個地方, 奇怪的感覺很簡單, 但係舒服, 像一碗味道濃度適中的湯...
秋天到了, 希望慢慢的會更好~
ps 家中的PCCW router壞了, 上唔到網... 明天再上唔到就要打去問...

mixture

10月4日
天氣很好的一天, 一起身見到維港好清, 令人心曠神怡...
今日個個都返哂來, 昨晚的事server房的事又被人話, 黑到唔知可以點...
晚上約左Cat, 但係差o的因為DB問題走唔到, 好彩只係index問題...
睇左小企鵝大長征, o的企鵝幾得意啦真係, ok好睇, 不過就一路睇一路好凍咁...
食雪糕時愛加上另一種cocktail... mixture的feel很正... 沒有去過打毗一段時間, 懷念那裡的long island...

清閒, 忙碌

10月3日
返工前打俾Cat, 諗住叫佢起身, 點知佢仲早過我...
返左公司兩個老闆冇返到, 早上清閒之至...
lunch食飯, 好耐冇見過阿爸坐係舖頭個樣, 感概良多, 但是沒有說出來...
晚上又要OT, o的野會忽然的做唔完, 又會忽然的做錯...
晚上看來Cat有些事情要想/做, 所以今晚早瞓, 要加油... @@

家庭日

10月2日
今天都算above average mood, 沒有唔開心的事, 一起身已經係成12點...
去左做gym, 15min跑左3k, 不過之後超累, 左腳仲有o的痛...
難得阿公好番一o的, 今晚都係陪佢出去食飯, 食左2隻鮑魚仔, 有福~
正能量收集中~~

煙花

10月1日
今天早上去左游水, 但係個腦係咁諗野, 一個考試與自己的執著, 游得好差, 集中唔到精神, 仲飲左兩啖水...
下午同Cat食Lunch, 但係已經係tea時段, 一邊食佢係咁講之前補習o的野, 但係見佢個樣就好似昨晚通左頂咁, 食完行左一陣, 講左o的我都係覺得佢唔係太明既野, 不過有得share的感覺良好, 所以冇理佢明唔明... 之後佢都係好累下, 送左佢返佢家, 本來想上去, 但係係佢樓下發生左件搞笑事, 所以算了...
去左Pacific Coffee溫下書, 叫左Iced Cappuccino, 那杯好似milk shake咁, 我拿的時候還以為自己拿錯了...但係一邊coffee一邊reading個feel好正, 好concentrate及effective下, 下次會再去
再叫cat返出來, 食過飯後去左睇煙花, 今次個位真係超正, 一眼睇哂冇障礙物, 隔離o的小朋友又搞笑, 那個超深遠視的印象很深... 當然煙花都好好睇, 中間那些馬尾的, 8字的, 什麼什麼圖案的, 尤其係自己最喜歡的最後一幕...
之後都係行左陣, 感到也明白那些想法, have a big hug, synchronize著一些東西, 感到中間的交流及信念

沒有題目

9月30日
9月最後一日, 早上meeting話下個week又要OT, 諗起都頭痕...
lunch同Cat食, 誰知原來佢只係陪我食, 心入面感到佢有點傻, 但係都開心既
之後放工返家食飯又係咁, 平平穩穩的一天, 平淡是福