最後的一天holiday

12月27日
今天是4連holiday的最後一天, 因為出街食得太多的關係被mom要求食左lunch先可以出去... >.<
今天也是Cat day, 一白一黑的scarf... good contrast~~ haha~~
先去左game show, 也都是和往年差不多, 最eye-catching的PS3雖然有movie睇但係唔覺好特別, 即時rendering 的processing係有改善的, 但是不太有突破... FF12是期待中... long neck... 其他的沒什麼興趣... 見到很多人用長鏡頭正正相機影那些game show girls and cosplay girls... 覺得那些相機有像被"強暴"的感覺... 不是那樣用的... sigh... 之後一齊去買kam的gift, 一邊問一邊買真係有o的奇...
shopping左一陣, 過左海去左她以前的高中, 希望下次能真的進去... 之後去左xx樂園, 那個coins機玩左50元但係好開心, 咁大個仔都未玩過, and rem cat's theory... 之後係奧海影左o的... 影極都影唔好有o的灰... 哈利波特有expectation但是也只是中等, 也許是最後的灰吧...

Boxing Day

12月26日
很平靜的一天, 起身已經很late, 自己叫左外賣, 去左做gym, 要做番多o的, 身心的疲憊漸漸回復~
晚上hot pot... 那兩個cousin食魚生要熟食... a kind of different culture... 那個細的係咁要我陪佢打gameboy... -___-"... and 很飽, 芋絲真係至愛呀~
雖然今天沒有見過, 電話中也知道miss ya ~^^~

Christmas Day

12月25日
知道了, 今年的Christmas也就是最有Christmas感覺的一年(不是Xmas的感覺)... 早上去了教會, 鐘聲的很有mood, 但是其他的反而degrade了... 見到其他人, 很shy的hi, 寒喧了幾句, 沒有想過別人對自己的image... AHHA
lunch後去左cycling... 自腳傷以來第一次, 也是人生第一次踏2個人 (一前一後那一種) 的單車, so big and so excited, 我一邊踏佢就一邊係後面take photo... 真係汗, 不過真係幾正, o的風好爽... 經過很多以前步行過的, 想起那時雨天的說話, ... , 過門而不入的大學, 奇怪的拉麵, 也都沒有臭豆腐來得印象深刻~
晚上看了chicken little, 沒有特別大的expectation, 也都算是中上, 之後行左一陣, 係妹仔記食左dessert, 個椰皇係咁"括"... haha, 之後收到今年唯一的christmas gift... 好開心呢... 沒想到是這個... 沒想到是今天... 太突然了... 還哭了出來... 也許不用比較, 但是無論怎樣比較還是這個gift... 是最好的... 不捨得用呢... thx cat~~~ :*O)

Christmas Eve

12月24日
沒有特別的planning, 隨心的出去; 選擇了不去鬧市(返正之前去過睇燈了), 心情很舒暢...
lunch忘記了吃什麼, 反而記得吃臭豆腐+Starbucks Mint Coffee的味道~ Yummy ~
很快的上了西貢的van, 經過蠔涌的時候想起了阿公的一些往事, 傷感但是很快過去了... 去到西貢... 海邊行左陣超舒暢, 走盡頭再回頭的那邊, 談了很多的, 想起很多的, 見到很多的, 還有奇怪的很亮的星~ 去左那間叫Sai的, Christmas Set Dinner除了Lobster Soup以外沒什麼特別, 但是那些Christmas的節日用品... 哈哈... 就真係好正呀... (但係成晚係咁俾人打... >.<) ... 坐在小巴的, 都記著了...

Days before holiday~~

12月21-22日
(這陣子太忙了, 沒時間寫, 今天先追回一點...)
21日, 冬至沒有什麼特別, 單是想到有得早走已經好開心...
lunch時公司有christmas party... 抽獎時的mood... very excited! 雖然最後得唔到大奬NDS, 不過重點在於玩"落大閘"時吧... 還有那吃不盡的sushi, 還真是非常的回味...
晚上大家都不做冬... 和Cat出去了... 沒有看戲, 但只是能一起已經很好...
22日的事, 除了OT 3 .5 hrs之外沒事想記下...

*__*

12月21日
因為睡眠不足的關係, 今早很盹...
下午開會, 又是在看戲, 那個無賴PM不想再提, 多謝 神年多前冇俾我入excel... 唔係under那個PM我真係想吐血... 各位前同學千萬不要入那間黑店做...
放工很早就走了, 沒有留戀的意思, 士氣隨著christmas的來臨日漸下降... 是時候想一想明年的plan了...

@__@

12月20日
因為同事夾假的關係, 今天我要take AL....
一早起身時已經係11點幾... 傾下傾下去左12點半already...
落左grandma家食lunch, 見到佢心情好o的都放心o的...
哈哈... 之後去左買野, 沒有非常合心水的, 今次慘了... >.<
晚上同Cat出來, 諗起織頸巾就好開心... 買左tickets, 很快的吃過飯, 個menu好正但係o的食物全都below average... >.<
睇perhaps love, 終於明白為什麼個個fd都話好睇, 一向都好中意睇opera-style既film, 用中文的很有勇氣及創意, 戲中所說的很多不明白也沒有細想(其實個story都不是太structured...), 但是當中的effect + mood很正, highly recommended (in cinema only)... and 張學友唱opera... 很正... I like it!!!!

~__~

12月19日
沒什麼發生, 什麼都很輕鬆, 一口氣做左兩個error log... 搞下搞下已經成9點...
Input Import File的testing未做完, 但係唔想做...
諗起明天放假, 很開心
電話中的聲音很磁... 幾次都是...

星期日

12月18日
早上一早起身但是遲了出門口, 意想不到自己是遲了的一個... 雖然路block了, 但是忍著腳痛下跑去... 還是趕及...
沒有表情與沒有表示, 心中很怕, 聽了又聽, 想了又想... 沒有想別的, 忘記的不會再忘記, 擁著Cat, 什麼想說的說了, 低沈的時候她扶一扶了我, 就這樣走到大叫的地方... 想說的這裡不能說...
突然的假期, 下午走到了維園, 親眼看著昨天電視看著的, 沒有那樣的感覺, 心中明白他們的苦, 但是不能完全同意他們的, 只是在別人的地頭不說別的東西... Agatha比想像中高及slim, 但是也是平易近人的, 說我和他們差不多大還真是有點氣結... >.<
走著走著聽到很多"香港人一齊走", 其實工作後對事情看法改了很多, 沒有再有令別人改變的決心... 出馬師道之前離開了, 老實說仍是覺得要實行自己的理念要先努力爬到能實踐理念的位置, 沒有付出而只是強調自由權利不太可取, 雖然十分同情, 但是總是不能全然投入...
拿了puzzle返家砌, 一砌都已經係12點, 500塊都砌不掂何況3000... 過程很enjoy~ 上一次砌的時候已經是十幾年前... 最可惜最後原來有一塊是錯的! 是一個完成不了的puzzle!
最後多謝Cat的gift... 那個Namo我很喜歡~~

假期第二天

12月17日
起身沒有特別的感覺, 只有頭痛仍繼續...
做過gym, 剪過髮, 終於有少少鬆的時間, "heir"都晚上...
從電視見到WanChai那危險的情況, 馬上SMS到Cat那邊, 知道佢係Edith那邊放心了...
難得的電話, 聲音很親切但是距離很遠, 無論什麼事也好, 一切也等待到明天...

走了

12月16日
今天一早起身, 阿公已病危, 我一起身就急急的去養和了...
去到的時候大家都眼紅了, 細問之下原來昨晚已經量不到impulse... (因為太weak)...
早上已轉了獨立房... doctor也建議了什麼... 全家同意下為了令阿公舒服點, 拔走了plasma supply...
今早我到的時候他的呼吸很促, 從以前grandma的情況都知道大慨是時候... 看了阿公很久, 心中記下了一個看window的image, 和當年grandma一樣, 但今次比上次清晣...
如果說死亡可怕, 看著別人, 等待別人離去的感覺也不好受, 那一下又一下的呼吸聲, 不知何時會停, 知道今天會停, 變態點說的是等著阿公走... 等著一樣不是自己想等著但又一定會出現的東西...
等著等著... 知道阿公已經沒有意識, 突然眼大了... 知道是回光, 沒有開心的感覺, 大慨是因為再也看不到東西, 眼才會大... 心很痛, 再也看不下去, 坐著遠遠的sofa上, 呆呆的看著那仍在飛的"東西"... 也大慨和grandma時一樣...
到了3點左右... 吐血及馬上走了, 很可怕的情境, 尤其是吐的東西... 父親跑上為他瞌上眼, 手續上來來往往, 沒有心情再細看, 心中很想打電話, 但是哭著的聲線怕嚇壞了人, 只以SMS淡淡道出了, 飲泣著的眾人, 返家沒有再說很多話...
晚上母親不敢一個人睡, 陪她睡了... 很久沒試過, 談了很多, 回憶總是不夠多, 但是要珍惜身邊所有的東西!

Night Shift Day 4

12月15日
返工返得很辛苦, 很想睡覺, 完全不能集中精神, 百感交集下最後向公司請了明天的AL... 好在approve到... 很開心, 終於有得身心的休息...
工作不多, 只是時間長而已...
舅父終於返來了, 知道阿公終於見到舅父... 總算是走之前還了一個心願, 內心有一種奇妙的確信... 平靜...
晚上和Cat談了不少, 希望在指引下能有更多的了解, 更多的相信...

Night Shift Day 3

12月14日
阿公那邊沒有事, 但是自己卻發生很多事... 今天不想寫...

Night Shift Day 2

12月13日
一早起身食過飯, 早些出門口探阿公, 今天見到佢都係細水長流咁, 看來blood plasma還是有effect的, 雖然說不了話, 但是走的時候覺得應該等到星期四晚的...
返到公司還是往常的做, 今天angus冇返所以做得很輕鬆, 今天起晚餐director請, 大家馬上選最貴的外賣.... 平靜的過了WTO的第二天...

Night Shift Day 1

12月12日
今個week因為WTO關係我全部返night shift, 1330 - 2230...
一早9點幾起左身, 腳急急又要去hospital了, 說是阿公的impulse太低是走的先兆云云... 護士長都來了, 打了些blood plasma... 大家都為轉房之事傾完又傾, 父親很擔心阿公陪左幾夜成個人殘哂, 要出動到阿媽罵佢先肯走返家睡... 我都好擔心父親, 怕佢會捱病...
同阿婆去左阿斗食lunch, 雖然貴但係很好食, 粥及炸兩非常好, 回味再三... 只係桑寄生糖水始終係源記最好食... 返公司做了又做, 食dinner都唔俾出去食short short date...
11點到做完野陪佢出左去行一陣, 大家都除coat吹風真係型, 同一個地方, 一個永遠是自己錯的那個月圓的complain, 知道了, 會對你好o的...
晚上太累, 坐在電腦前睡著了...

中環Santa's Town

12月11日
一早起左身但係唔記得打俾Cat, 結果搞到佢好狼狽, 一睇到佢眼腫得很厲害心很痛, 她不停的說無事心就更痛... 剛剛趕得切入去發覺是剛剛一個月的loop...時間很快, 同樣的地點不同的心情, 感覺回復~
下午要OT一點返到去, 個個都係度, 本來成左野但係lulu話要一齊去飲茶, 邊個夠膽唔去... >.< 無端端食多一餐lunch但係冇左1個鐘OT... >.< x 2
6點幾終於搞定, 好在high vol report未死得, 有o的想讚自己但係其實唔關事... 食boston食到肚痛, 佢一路扶住我肚很痛但心很甜, 在度說不出, 之後係Pacific Place Plaza III 坐左一陣, 那邊的feel很正開始希望office快o的搬過去...
中環Santa's Town今年比去年地方大一些, 能和佢去太好了, 在那邊的某處寫下了什麼什麼的願望, 哈哈連誰都不能說的秘密... 一齊帶左個頭"cool"(唔記得個字)好似天使咁行超得意, 本來覺得冇帶camera很浪費, 但是之後覺得享受著, 沒有浪費時間take photo才能更好的記著感覺...

難得的休息

12月10日
星期六, 係死都唔返公司, 真係再唔瞓會die...
昨晚8點瞓到今早11點幾, 太好了, 食完lunch去左倒腳的模... 等左好耐... 搞掂都4點幾...
食完dinner去左睇阿公, 今日o的狀態唔好, 一直都在度瞓... 氣息很弱, 不過都算安全吧... 還有5天...
之後同Cat出左一陣, 行左一陣可惜買唔到野, 亂坐車的game... 不知不覺返到以前讀書的地方, 很多以為說過的事也都沒有說過... 很討厭自己這麼差的記性...
睡前沒有好好的談, 對不起...

風暴第4+5天

12月9日
因為係公司通左頂, 所以8號同9號應該係當一日的...
先多謝Wylie同ND的關心, 心意很明白就好了, 收到你的messages其實很感動的...
由於又有大IPO很忙, 兩天的lunch都係同cat食, 沒有了B餐有些失落... 魚旦粉 quality則ok, o的魚皮有o的硬...
連續做32個hrs的工作, 重見了很久沒有過我認真和執著, 好像見到以前的自己... 自從有了OT錢以後, 很多時候都計著有冇OT... 人大了也慢慢的沒有了工作的熱誠... 這兩天的feeling很好...
半夜Cat因為要exam, 全程都伴著我, 所以一點也不覺悶, 也不覺得累, 算是上天給我的幸運...
到了5點, high vol report都做完了, testing也放下了給kallen... 心安了, 返家一坐下就瞓著...
PS 原來ting都有傳我的, 不過我睇左cat那一份先... 所以 nevermind la...

link

~不是日記~

份問卷是誰傳給你的？
Catherine
跟佢是在怎樣的情況下認識的？
一個識左好耐但係唔熟既朋友介紹的, hahaha...
認識多久了？
不是很久, 但是也都是很久了~
佢有什麼別於一般人的特點嗎？
個腦成日轉唔停, 但係對朋友超好, 個性複雜而簡單~
在你心目中佢是怎樣的人？
哈哈... 唔在度寫lu...
現在有想認識誰嗎？
嗯... 有些不想認識的卻認識了... sigh

風暴第三天

12月7日
一早又過左太古坊, 諗住半天但係都搞到3點, 32-bit Oracle同64-bit Oracle的代價... >.<
收到電話, 知道阿公快不行了, 血壓突然很低, 心中很急5點幾就走左, 今晚多得Angus一個頂住, 佢有睇的話就係這邊道個謝...
去到已經一大堆relatives, 知道佢輸左血後有o的精神又穩定返o的, 放心左一o的, 不過一次過見到咁多人我諗佢都知自己係什麼事...
很多事知道佢想講都講唔到個心好酸, 在一邊看著他回想著過去的, 當年自己也都是這樣的看著grandma... 人太多冇氧氣, 出左去透氣...
只是8天, 真的等不到嗎? 如果見不到自己的兒子最後一面, 心中一定有著難以想像的難過... 不想再在度打了...

風暴第二天

12月6日
什麼都唔記得了... 成日在公司, 沒有什麼空... 做野的不說了... 很想放假...
晚上Kallen守夜, 我走先....
係TST meet Cat, HMV+1個美麗的誤會, 不太好吃的晚飯浪費了Cat的作棟... 走著走著到了睇燈飾的地方, 佢估中了我喜歡的但是我估錯了, 不過不打緊...
海邊很凍, 但是該暖的仍是暖的, 沒有什麼比冬天食雪糕更正~ >.<
太忙了... 開始覺得可能冇時間買christmas gift~~

風暴第一天

12月5日
今日要finish DR site的東西, 加上多間IPO cut-off, 工作多自然是一定的了...
用左9牛之力, 終於完成左RMAN的recovery, 雖然係差少少, 但係係minor problem了....
6點趕到返去... o... 咁多form... 搞到成12點... 終於走得...
Cat 跑過來的時候有奇怪的感覺, 很warm的... 之後去左登龍街食dessert... 那個黃色多惱河... 哈哈... 幾得意, 不過貴左o的... 反而意米糖水幾抵食... n 最後玩吹風遊戲... hehe~~
PS 近來老闆有o的火(脾氣)... 唉... 個個人都有壓力的... 人工的部分就是要受氣了... >.<

休息

12月4日
沒有什麼好說的, 重回很久沒有的12點起身, 正正, 不過很懶又冇做gym... (係家中做不算...)... 真的很需要休息...
雖然如此, 晚上還是出來了, 很短的時間也好, 只是睇comics, 吃小吃, 平淡的生活, 細膩的情趣...
風暴來臨前的平靜...

又返入去了

12月3日
令一個重要的日子, 上午起身... 太累了, 放左Angus/Stephen飛機... 因為咁樣... 今年看來冇機會升職了... >.<
電話support都盡做, 不過心中都知道係無功而還的...
下午force turn off mobile... 都唔想的, 一開機佢地馬上打來... 已經係DR site那邊了, 心中暗叫不妙... 但係因為要再turn off mobile, 所以明白一切係神的意思...
晚上Cat出來但係大家的精神都好差, 企係度擁著都隨事會睡著的... 哈哈... 不介意, 但是真的要休息...
阿公因為食唔到野, 又入返去了... 對於佢來說, 12月14日... 還有10日... 真係度日如年... 完全係等自己個仔返來之後完了心事後走得的feel... 想到這裡, 心很酸... 所以我一向都唔支持o的出國讀書的, 只係人地聽左覺得我傻, 但係我一定唔會令我的父母好似我阿公咁等... 會遺憾一世的...

OT till 2am

12月2日
一早angus去左DR site, Kallen同Anthony又放假, 我一個人做3個人既野... 怨念最後落左係lunch的cat身上... 但係佢好好冇complain... 感謝~~~ >.<
不詳的預感, 從header中知道了, 為左WTO的DR preparation, 最後我都係要係DR site搞到凌晨2點... 都唔ok... 今次真係好頭痕了... 都不明白為什麼DB recovery連一些supporting document 都沒有的... 當年那些setup的人真係玩野...
走的時候... Cat真係等我電話... 再感謝~~~ >.<

等

12月1日
過左fortnight, 到了最後的一個月, 回想起去年的這個時間, 大概是什麼都沒有做過...
心靈上的insecure, 令我好想去考試, 考很多的試來證明自己的存在, 什麼都不能做, 等著的感覺很辛苦...
今晚探阿公, 見到佢笑一笑, 覺得很開心, 但係一個只係飲得粥水的老人家, 生存到今天... 相信只係為左等到自己在美國的兒子回來... 完了最後的心願... 是意志力的考驗呢~
今晚見到媽又唔開心, 但係我都係幫唔到o的乜...

號外~

11月30日
1.由某個blog發起，出一個題目。
2.在自己的blog中完成題目，然後點名另外幾個blog完成同樣的題目。(I won't do that)
3.另外的幾個blog完成題目以後再分別點名，依次類推。(no need)
4.被點名的blog在完成題目時要注明被哪個blog點名。(by Catherine)
5.不可回傳，加一條自己出的題。
最近在看的電視：阿旺
最近在聽的音樂：Initial D 1st stage(Cartoon) Sound Track Best Selection 1
最近在吃的東西：牛柳粒飯
最近關心的話題：Endless OT... and Endless Exam
最近常去的地方：clinic
最近最想做的事：放假, 同父母一齊食飯; 同Cat去離島玩一日, 去cycling...
最近常想的人： catherine, father, mother ~.~
最近身體情況： 好差, 成日要睇醫生
最近理財狀況 : 很差, 洗左好多錢...
對朋友最想說的話：looking for a good life, together...
對自己最想說的話：對自己好些了...
想一個減肥的良方：晚上8點前要食dinner~
記憶中做過最瘋狂的事情之一：由TST去MK, 經過一間7仔買一支酒飲
喜觀K歌的程度(1~10)：唱K超中意, 10分, 但係好耐冇唱lu...
最喜歡吃的食物：好多野gar wor... 所有西日式都中意, 還有是很正的甜品...~~
不吃的幾樣食物：冇乜... 昆蟲類不吃...
最想去的地方：日本+Europe
看到馬路上誰覺得最惡心：唔識答
最想要的禮物：咭
心目中的伴侶是怎樣的一個人：全心全意的中意我, 全心全意的follow我
你現在還單身嗎？如果是，準備什麼時候找一個？如果不是，WHO IS YOUR MATE? Catherine~
如果養寵物會養什麼，起名字叫做什麼：冇...
如果只剩下一天的時間，你會做什麼：希望有一個好正既日落.... 同父母, 最好的朋友及佢... 一齊睇...
最多的時候，你能一心幾用地做事情啊？：無聊...
誰是對你最最重要的人？：媽媽
來世如果給你充分的自由，你會想做什麼職業？ 鋼琴家, 完成我未完的路...
如果你有曾經的戀人，你現在最想對他（她）說什麼？ 冇野再想同佢講, 一定要講的話, 就是"你好嗎"
如果沒有，那你想對將來的戀人說什麼？無~
what would you do if you got depression？打機, 行街, 唱K, 搵Cat~ 找父母親~
您認為一個人的過去重要嗎？重要的, 尤其是我很想知道我阿爺的過去, 那是我最想但是永不能知道的事情...
父母為你做過最深刻o既一件事係...？家
你會同個仔個女改個咩名：柏琛
甚麼事令到你刻骨銘心：阿嬤走(死)之前, 雙眼望著我的眼神... 那個無奈而濕的眼睛...
直至lee一刻你最後悔既事係咩：不能同阿爺好好咁傾一次計...
你對將來有咩憧憬：希望實現到別人的夢想, 自己有安穩的生活
你覺得現在生活得開心嗎：很好的, 每一天都要活得開心, 對自己好o的...
到底點先算係愛上一個人：做的每一件事, 都希望佢得到幸福
if 時間可以停....最想留係邊一個stage..：中學, F3-F4
你最記得你既伴侶既一句說話係：okie~ alrightie~
你覺得追求夢想重要定係有安定ge 生活重要!? 安定...
人既生存價值係在於咩呢 ? 不太想明白, 只想活得開心~
想唔想長命百歲?! 人生活得太久, 思想會太累而死... 生命的長度是剛剛好的
你覺得你係唔係好人？點解？超好啦.... 哈哈....
影響你最深遠的事? 影響你最深遠的人：阿爺, 母親, Sydney及我的第一份工作
有咩願望：looking for a good life~ for the rest of my life~