很忙

1月23 - 31日
很多事發生了, 這陣子都很忙...
25,26日各有Dicky及Stephen因為升職而請食飯... 兩餐buffet都好好味, 先行道謝...
年廿八行年宵... 今年很遲才行, 很多人, 冇心機行了, 只是行了一條街, 應了節就走... 但是精品, 街名的牌等都幾正...
因為阿公的關係, 年初一二都冇得拜年, 一貫的係咁食食食... 下年怕會食到IFC的酒家了...
初三去左萬佛寺, 見過阿公, 阿婆及父母的"位置", 很奇怪的感覺, 知道了一點不能再回頭的東西, 自己感覺到了, 大概不會同他們一齊的位置了, 但是見到他們很開心, 很滿足他們自己的, 我也很安慰~
晚上同cat睇克勤concert, 一整晚都很正, 自己就好似小歌迷咁, 雖然今晚冇乜嘉賓, 但係"太鼓"part同"阿旺"part都係okie正...~~~ 佢仲睇到頸都梗左... @@
PS因為係新office打diary唔係太方便... update慢了... sigh~~ >.<

*__*

1月22日
星期日, 一早起身, 已經遲左了, 只能小吃, 馬上去了北宣... 今天的話有感動的, 只聽進了一句, 但是那一句很重要... 之後買了東西, 也是要多謝cat~~
返去再食D早餐, 剛剛趕很切很開心, 一樣的美味... 左行右行什麼都未開, 於是去左世貿打機... 哈哈... 很多game都係第一次玩但係好開心... cat玩typing of the dead很強... 一個等於我兩個... -___- 打鼓... 以前是我的最強, 現在已經不行了, 連5 stars都打唔到... 一齊玩太鼓好開心, 但係要好大力... mario car racing好好玩, 但係好貴下... 之後那個photo car racing... 玩玩下俾人撞變左最尾, 都唔知做乜... 電車GO玩得唔好, 第日玩要玩得好o的~~
打table tennis好緊張, 今次仲要輸多3 rounds真係激死..
陪cat買到ear ring, 但係影唔到相... 要下次有機會先...
食過dinner, 很累了, 不捨的走... 之後, 令到cat唔開心, 對唔住...

不可以停下來的

1月20日
星期五, 沒什麼特別, 只是不想再穿便服...
lunch同同事食飯, 我連食飯既錢都冇...
很久冇同佢地出去打機, 現在個個都係"灣岸"高手了... 哈哈~~
晚上唔係太順, 很難集中, 總之就是要加油了... 不可以停下來的!
1月21日
一早就起左身, 兩次收到cat的SMS令我振奮, 一定會加油x10...
晚上休息...

wow

1月19日
18日的沒特別, 不寫了...
今天早上見頭痛, 沒法子唯有請半日SL, 不過最後都溫左一陣書...
study的東西又要再來了... 係MSc或是MPhil (part time)都沒決定... 真係唔掂... 還有一個info session... (27th Jan >.<) ... 還有那個CISA... (說到這裡要記得多謝Lu Ning的寶貴意見+suggestion... I'll take this exam!)
今天又有一個good news, 實質意義很少但是象徵意義很大... thx~~ 之後約左cat為的是要交收但是最後只係坐左係pacific coffee飲my favorite~~ 又食了很多東西... 真係要快o的做gym, 減o的肚腩先!

adventure奇景

1月17日
relocation後的第二天, 已經很正了, 地下+牆的setup全ok了, wow... 本來覺得PP3好"格sip"的, 但係o的facilities真係令我好喜歡... 由其個toilet...
server room那個alarm system放左係room入面, 那個發聲系統真係廢左... (o的server咁嘈...)
晚上約左cat, 出來食M記間中也不錯... 突如其來的depression也不會好的, 想吹風所以今晚放棄左study, ... 坐peak tram上山頂吹吹風... 誰知一出車站...
嘩~ o的霧大到連對面街都睇唔到, 個feel好正!!! 一邊行去以前prefect聚的地方, 好似探險咁, 就是伸手真的不見五指... 最衰的就是冇帶camera....
走之前去返中環, 那些賣畫的都關了但是回憶仍在, 是實在的回憶, 大概對cat沒有意思, 但是我有...

relocation後的第一天

1月16日
搬左office後正式返新office的第一天, 嘩, 仲係地盤咁, setup緊... 不過這邊比那邊好很多了, 個位正左同大左, 同o的buddy又坐得近左, 關左admin門之後又靜左... 有o的返新工既feel... 雖然很多人話我們那邊的綠色牆很怪, 但是我就覺得冇乜所謂~
6點到走... 去左睇醫生, 一睇就4個hrs, 不過好彩佢話我係o的根太緊... 所以真係有o的想做yoga了, 不過實際點就是每天要自己拉筋+刮沙... 好耐冇做gym了... 現在可以慢慢做返... 正呀~~

work, eat and play

1月15日
今天很早就起左身... 很久沒試過一齊食早餐... 今次都係食D餐但係可以慢慢食... 第3個section的時間係好就o的... 去到見到joanne, 今次冇shy的打了個招呼, 感覺很好... 不過又坐唔到好位... 下個week一定要坐正中...
很簡單的吃過M記, 未食完就要趕返office... relocation大致係咁上下... PP3個位個景真係幾正下... 仲睇到半個金鐘同少少個海tim... 個toilet, lift同coffee machine都係正正~~ 不過以後返工就要準時一點了...
搞定後都6點幾了, 食"隨你鍾意"但係o的位真係太迫... 去左新華但係搵唔到要搵的書... 下次要去computer shopping arcade找過... 返左去我家附近玩, 今次一百元就得真係開心, 之後仲玩左30奇怪遊戲, 坐那個"火車"真係笑死... >.< 食過源記的"dun"蛋, 一種糖水兩種食法, 真係搞笑...
再次看著巴士車尾的那個位, 最後的最後總是這個情景...

鋼鍊劇場版

1月14日
今天發生的, 感覺很好又很差...
早上先睇醫生, 本來係最早的一個但係睇左3個小時... 好在佢話我o的"根"太緊... 刮沙刮到好痛... >.< ... 跟著開保險箱, 很快的搞定, 個箱細左... 冇計... 會"搬箱"later~~
下午很開心Cat因為擔心我專登到我那邊睇我... 不過都係我衰又令到今日有遺憾... 對唔住... 怎麼說都是我不對... 不想也一定不會再這樣for 100%!
晚上睇鋼鍊劇場版, 幾好睇的, 不過冇睇完TV版50集就一定唔明... 兩兄弟最後係一齊都係好結局... 個鋼鍊mouse pad仲好正tim~

relocation (2)

1月13日
終於都到左搬office的大日子, 成幾百人一齊搬當然係大陣象了... 一早返到去已經係亂到乜咁... 半日pack左箱後個位已經唔係自己的了... 什麼都冇, 什麼都不能用, 沒有internet + 沒有computer, 基本上下午我同一個hea的閒人冇乜分別... 成個下午冇野做到要玩solitaire.... 但係又唔走得... 很辛苦終於捱到夠鐘...

relocation (1)

1月12日
office relocation 開始了, 什麼都進入緊張狀態, servers, machines, procedures, backups, ... everything... 我都係時候帶返o的野返家...
今天冇咁面阻阻了, 唉... 但係都仲係怪怪地咁, Dicky係度果然大家o的mood都好o的...
今早出了promotion announcement, 今次沒有我的份兒... 有o的失望... 但很開心Stephen升到Senior Manager了, 佢終於有房lu... 他日搵佢要好"間接"了... Dicky都升了, 很期待佢請食飯!! HAHA!!
晚上返家吃過飯再出去, 為的就是見Cat唔開心所以睇下佢點了, 係Pacific Coffee見佢佢有o的surprise但係看來唔中意咁... anyway同佢一齊study的感覺很好, 希望他日都有咁既機會了... 走的時候想揹佢, 但係因為腳痛所以俾佢揹返轉頭...
腳一定要快o的好返~~

交托

1月11日
又發了見到soul的夢, 常夢見自己死了, 那是為什麼?? >.<
同buddy A一直都係咁面阻阻, 覺得雖然自己不是全錯, 但是也想快快的了結這個事情, 所以已經當作沒事的辦, 餘下的要靠天意及感動了...
經過昨天的兩個information session, 來年的study plan大概也都有頭緒了, 是著手準備的時候... costy but feeling saturated, nth is impossible...
希望一切能順利一點

灰x100

1月10日
沒有什麼, 只是說錯了話, 得罪了buddy A, 今天灰x100...
本來是user做錯事, 強來做data amendment都算了... 心情很不好的時候, buddy A無端端叫我PK... 雖然知道佢平時o的語氣都係咁, 但係心情不佳的時候聽到就好頂氣... 於是回左一叫唔應該回的話... 之後俾人話我要收番o的少爺脾氣... 之後一直都面阻阻咁... >.<
IT... cost dept... 自己又係細(職位)... 什麼都是我錯的...
晚上同cat出街, 也都冇哂心機, nini imno1 dup rrik1, 但是沒有做出來, 多謝忍耐... 係十大書坊坐左陣, 很累所以差不多睡著了... 係MSN同Edith/Rainbow講過兩句, 但係覺得唔露面反而會好o的~

傷了腳again

1月9日
再返工了, 又是新的開始, 沒有什麼比新的開始來得吸引~~
普通忙, 但是pack箱的工作很辛苦, 還弄傷了腳again... shxt...
雖然pack完, 但是腳痛的心情, 令我很氣餒...
晚上看了少少reading, 沒有寄望, 但期待中度過, 晚上的依靠, 等待明天~~

PS 希望快o的好番~

Others - 愛是不保留 - Lyrics

常聽說世界愛沒長久，哪裡會有愛無盡頭？塵俗的愛只在乎曾擁有，一刻燦爛便要走
而我卻確信愛是恆久，碰到了你已無別求
無從解釋、不可說明的愛，千秋過後仍長存不朽

明日幻變天地無法猜得透，也許風雨盡蓋掩滿天星宿；有你在旁將真愛盡傾流，
寒夜漆黑一片也未去擔憂
長路就算多漫長似沒盡頭，你總緊靠著我、輕挽我的手
那怕歲月一飄去未可留，能找到真愛已足夠

誰人受痛苦被懸掛在木頭？至高的愛盡見於刺穿的手；看血在流反映愛沒保留，
持續不死的愛到萬世不休
惟求奉上生命全歸主所有，要將一切盡獻於我主的手；
我已決定今生再沒所求，惟望得主稱讚已足夠

2個月+1個月critical

1月8日
早上很凍, 得11度, 沒有每個星期日的五香肉丁, 有的是circle K的燒賣... 加上一杯yogurt, 原來都幾好味的... 今天第二堂, 原來已經有2個月, 關係要去緊, 但如何去緊, 卻是令人值得思考的問題, 生活是改變, 再加上經過昨天的細想後, 今天有重新得力的感覺, 大概就是平常說的refresh~~
Pacific Coffee吃過lunch後, 返左家做該做的事, 轉眼到了4點, 很辛苦的完成了, 但是很怕給別人看... >.<>.<
再偏執的冒著被人話低x的心情去左冒險樂園, 諗住開心下點知要玩到300元先玩到一車, 都算好彩, 唔係真係成晚瞓唔著...
坐船, 那個特別的位... 沒有了...

rest (x times...)

1月7日
一起身已經係下午, 仲有o的頭痛, 今日成日都係冇做野, 晚上出左街行一陣, 終於搵左條線...
今日cat成日都唔得閒所以最後都冇見佢, 鋼鍊做兩個episode好開心, 即使只係返睇... still so happy!
晚上佢返到來說了很多, 終於都明白了多一些, 不用令大家都討厭對方, 不需要令自己變得更差... 自己原本的樣子是最美好的~~

舊聚

1月6日
星期五了, 平靜的一天, 早上的internal meeting, 下午的godown packing, 都只是不太特別...
晚上約了Roy, Steve + Vin, 但是早些還是先和Cat行了一陣...
今天她都仍舊是不太開心, 雖然唔係好知解但係都係心痛, 去到Circle K 但係剛剛冇燒賣賣了... 去左小甜甜食糖水, 那個擔擔noodle也不錯... 時間短但是enjoy much already~ 很快可以再見嘛~
想不到Wayne也出來了, 係灣仔街市食晚飯還是第一次, 今期佢地已經由hit"鬥地主"轉左去hit"PSP", 那個對玩的NBA live真係幾正的... Vin有了新女友令我期待, 但是佢都未講就因為prd problem走左... 得番3個自然就會去左打毗...
一飲就3 round例行的cocktails, 加上老闆娘送的一round, 想不醉都難了... 見到蔡一智都係那邊, 差o的high到飛撲過去同佢photo, 也大聲哼左兩句佢既歌... 真係笑死左... 其實真人佢都幾型的~ 飲完後係街係咁踢o的柱, 有佢兩個扶住好放心地醉... 係公園傾左好多, 只係記得難得的朋友一定要keep... 開心的日子要記住... 介紹左佢兩個飲"菠蘿啤"... ~~ 3點半終於頂唔住要返家...
沒有好好的聽mom同Cat的話, 對不起, 要你們等...

PS good luck for Vin and his gf! (forget to ask her name from Roy... >.<)

痛

1月4, 5日
因為這陣子太忙+太痛+太病的關係, 很久沒update了...
4日那天只返了半天, 下午的時候太痛了真的要看醫生, 又是頸部問題, 鬆左頸之後好了很多... 自從去年中開始自己就不停的病, 只是不知做錯了什麼... 很氣餒...
晚上同Cat出左去旺角食dinner, 係Strawberry Forever那兩個同叫A set 的menu令人氣憤, 怎麼這樣都會錯的... 之後走著走著又去左冒險樂園, 雖然今次玩得好差但係換左個keroro cushion超得意... I like it!
之後因為頭又見痛的關係坐車回家了, 痛到不能送佢返家連自己都討厭自己... 但願自己能快些好番...
5日那天只記得自己在度OT, 因為要handle那麼多internet user account stuff的事也... deadline is tmr... 走的時候打俾cat, 雖然佢仲在度畫畫... 沒什麼說, 只是想聽到她的聲音...

但願Cat能每天都過得開心, 但願大家都能不被討厭, 但願大家都能感恩, together

Nightmare

1月3日
昨晚發了2個夢, 而2個夢都是夢見自己死去, 靈魂在四處飄浮的情景, 第2個更是自己因車禍而死, 那個被別人叫過去看著自己的屍首的一幕, 恐怖得令自己難以忘記... 尤其是一連2個... 那代表什麼? 有些感到的, 很怕很怕... 為什麼要是自己死掉的???
長假期後, 返工一切回到正常, 但是holiday mood仍在, 而且昨晚的nightmares令我睡得很差, 今天很差... Cat不停的send了很多的東西說我並不會有事, 叫我放心, 心中很感謝...
混混的過了一天... 很怕那兩個夢... 晚上不敢睡... 那種很累但睡不著的時間, 到底我在幹什麼... 餘下的不寫了...

最後一天holiday (2)

1月2日
第二個"4連長假期"的最後一天, 真正瞓醒已經係12點, 係家MSN+打左陣機, 再瞓過, 到5點幾, 晚上同Umates ReU...
Chun, Stanly, 小寶等很久沒見還是那個樣子, Johnson及Sam等都型了, 很明顯是好事近或而成功... (哈哈), 飯局還是交換著很多的近況的那個樣子, 想不到個個都以為小弟轉左工真係令大家失望了, LuNing已經到左Senior級真係令人羨慕, Stanley也不錯, Chun也都有個很強勁的title及不錯的人工... 哈哈... 見到大家很好都有少許回到U時的感覺, 大家都show off過後已經食完飯, 阿龍之後join我地當然又有一o的交換, 問錯了問題不好意思, and 大家談到自己的師弟時都搖到頭都掉了...
不打機, 早走了, 時間剛好於是同Cat行左一陣, 談了一些看法, 認識多了點... 然後完結了整個假期, 要收拾心情返工了...

Happy New Year

1月1日
新的一年了... 新的開始, 新年快樂~~
一早起身, 接過Cat, 吃過每個星期都吃的五香肉丁一丁, 之後返北宣, 一到已經見到佢大姑媽, 有點生外, 帶點shy, hehe... 說了很多, 也都有一些明白, 看著入口外的景物, 有矛盾的feeling...
突然很想自己的中學, 唱著忘記了少少的校歌, 很大聲地邊走邊唱...
去書室, 很多人, 不去了; 去中央, 關了; 去puzzle house, 也關了... 什麼都做不了, 送了她返家後, 我也返家打盹... 一瞓就成個下午, 超開心...
晚上再出來, 本來想吃元旦大餐的, 但係因為save $$所以普通食左red ant, 但係唔知點解不太好吃... 走下走下又入左Happy Valley, 經過的地方不想再經過, 同一個window不想再見到, 抱著吃的yogurt感覺很好, 碎步的慢走, 是實在而有力的~
坐電車到西環, 上層一大群外國人比賽完叫喧唔知乜事... 為左我們的人身安全都係返回下層...
-__- ... 西環的海邊較近海平線, 那邊站著有著能走出去的感覺, 是另一角度的看海... 因為頸痛的關係不能舒適的看一看天, 不打緊, 能一齊久不久看一看已經很好... 西區公園的影子及平衡木都有記憶, 記得佢說過腳好番會一齊打藍球... 看著巴士的離去, 完結了新的第一天~

PS. Lyrics of School Song, King's College

Oh King's College lives forever,
Nothing shall our friendship sever,
Nothing shall defeat us ever,
Glory to our school.

Listen to the sound of singing,
Listen to our voices ringing,
Joy and honour we are bringing,
Glory to our school.

Soon we will be grown men,
There will be new boys then,
Summon all the new and old,
they'll sing and shout together.

Old boys new boys winning glory,
We ourselves must write the story,
Keep this challenge still before ye,
Glory to our school.

New Year's Eve

12月31日
大除夕, 除去了悲傷, 重新的出發...
同Cat出來, 先去了TST, 走著走著, 去了冒險樂園, 玩了$100那個"入錢機", 那個"ALL ABOARD"令我好興奮, 常常覺得咁好玩的東西為什麼自己小的時候冇玩過, 有點懷疑自己是沒有童年的... 不過Cat就玩到一車, 真係好勁...
之後行左陣商場, 那些歌手唱得其實不差的... 係UCC食左dinner, 白咖哩雖然係奇怪但係OK好食... 食完心癮起又走返去玩多次$100那個"入錢機"... (真係瞓覺都會諗起那個東西now...)
離開海港城, 影左o的photo, 不想再在鬧市了, 坐車入左香港仔倒數, 看著那個避風港, 靜靜地過了2005年...
下年的大計還未定... 最想的, 是平平穩穩 + 身體健康~

很累

12月30日
今天是出殯的日子, 一早5點幾就起左身, 天下著毛毛雨, 似是為著阿公的送行... 很快的飲過中茶, 一家人又回到靈前... 阿婆坐小巴竟然冇嘔, 老人家的意志力很驚人...
一輪不知什麼儀式之後, 入了棺, 見到最後的一面, 淚不由自主的落下, 不忍回首...
坐車到了火葬場, 人一下車, 見到那個門口, 幾年前的回憶回來了, 由很陌生變得很熟悉, 心想向前走但是腳是從心底的本能地停了, 回過神方能繼續前進...
不知上過多少柱香, 今天是最後的一柱, 之後也就由舅父按下那個掣...
再見了阿公...
很強笑的吃過午飯, 回家就睡了, 晚飯又hehehaha的, 為舅父明天返美國作餞行... 不覺他已不在香港23年了... 很想他待久一點, 很想跟他單獨的談, 希望下次有這個機會吧...

很忙

12月29日
是阿公出殯的前一天, 上午返工已經冇心機, 等到lunch心都返在去了... 快快的吃過lunch, 就到了大酒店...
全身白色的, 以前穿過了, 一穿起就感到很討厭... 和三年前grandma同一間房, 同一個位, 實在是百感交雜... 那些吉儀, 記下那些祭帳事宜, 那些紙金銀, 同樣的事情, 有著有限的回憶, 無限的感慨...
隔著玻璃, 見到阿公的樣子不同了, 也許是雪了很多天的原因... 也許是要我明白, 要走的人已經走了, 儘管留著肉身, 也只是徒然...
晚飯很奇怪, 大家一起吃素, 很親切的, 雖然很白, 但是也感到溫暖...
之後很嘈, 以前不覺的, 現在很覺, 有點煩, 那些"破地獄"之類的儀式, 做得很足, 但有恐怖的感覺... 走出去的時候見到另外兩個醫生的安詳, 成了很大的對比... 一切的紙紥也都借大火隨風走了, 只有大家的思念留下來...
看到的東西很多, 感到focus的轉變, 看到別人看不到的, 還記得潔姨說西方人的葬禮沒有中國人般悲傷...

很靜

12月28日
今天很靜, 返工也是holiday mood, 呆呆的半天, 連timesheet也填錯了... hehe
lunch同cat食飯, 走來走去送返家, 但是時間總是不夠...
晚上很想早走但是要做完o的手尾先... 因為明天下午又開始放假了...