~Swimming~

4月23日
星期日... 當然係去主日啦, 今天返第二堂... cat send SMS來話自己會瞓返! 下... 冇打電話就default係準時按平時的時間啦... >.< 今天沒有Siu牧師... 聽不到他說的有時會有o的失望... 雖然偶像係不鼓勵, 但係他這些日子說的真的令我有很多的得著...
之後見到佢大姑媽, 哈哈... 個個week都見到佢, 睇來遲下會俾人叫去"傾下計"...
返左家食飯, 好野, 有得游水! 超好sunshine~~~~ 正呀... 雖然係熱, 但係o的水仲好凍... 不過冇埋了... 係咁游... 游下游下... 見到條蟲! 好好心咁叫左救生員, 跟住一大排人來左... 一睇, 原來只係虛驚一場... 俾o的職員阿伯係咁話我"細路仔唔識野", 仲要俾人落record登記... 真係瘀死... >.<

revision+play day

4月22日
難得的Sat, 有很開心的revision+play day...
早上遲了起身... 去到已經係12點多o的... 今次被cat早返次 (>.<~) 都係去左新森林食野... 個龍梸柳好耐都未來, 催的時候想不到個waiter會解畫到好似自己cook咁... 其實都係想佢快o的來je... 仲要好難食... >.<
入到去好開心因為好好太陽... 我同cat都"yup"起衫袖, 佢怕熱, 我就想哂多o的... 正呀! 之後行上去中間見到佢個fd, o的語氣同眼笑好搞笑... 已經2點, 開始了... 但係今次分開溫冇咁開心, 不過冇法了...
為左再玩大富翁, 我地去左net bar食飯! 哈哈... 食返好耐冇食既炸燒賣呀... yummy yummy! 今次我終於贏到啦... 好開心呀... 死啦... 有o的addicted左, 仲玩到成1點 tim~~ ~v~

Easter Holiday

4月17-21日
(因為寫的時候已經是26日, 很多細節都忘記了... 所以只寫重點... )
17日係復活節, 今年的今天真的有用過心諗過復活的意義, 真的有用心去"復活"... 覺得假期不是白過了... 這個是的心中所想, 所高興的... 有時候覺得自己的功利心太重了... 其實賺幾多錢不是最重要, 重要的是... 心中要富足... 還有是要感恩... 因為小弟"功力"不夠, 未能找到一句貼的...
18日-21日都係返工, 冇乜特別... (有特別的都唔記得左了... 忙的話真係好煩... 好多野想打都打唔到... )
20日同cat又去左net bar玩... 大富翁原來好好玩gar... o的樓愈起愈大... 好正... 好有成功感呀... 下次一定要再玩過... 我一定會贏的... >.<~

沒以前執著

4月16日
今天是特別的主日... 可能因為成晚都要掛住起身返第一堂, 所以成晚都係瞓得唔好... >.<
匆匆的吃過早餐, 趕得切... 想不到cat係主日會"釣魚"??!! 一上完馬上送左佢返去瞓先...
之後去左拜山... 今次得4個人... 我家3個+細姑姐... 再去到我的grandparents的前面... 對著眼前的祭品, 今早的主日崇拜, 公司Ip sir的一句話, 心中明白了一點東西, 大概沒以前那樣執著了... 尤其是原來那些其實根本不重要...
下午很平淡了... 睡覺, 做gym, 睇下電視又一日了.... btw 15/16我覺得ok呀... 唔明點解o的同事話唔好睇...

紀念日 (4月15日)

4月15日
今日係好好好好特別既日子...
凌晨的時候, 打左第一個電話, 回想最初的時候的一句話了... 雖然cat仲係bar飲緊... 但係當中的意義明白了...
因為cat昨晚夜回家, 所以今天遲出發, 改左去lamma island, 坐了很久沒有坐過的"街島", 到了石排灣, 行過模達灣, 東澳, 索古灣, 洪聖爺灣, 最後到返榕樹灣... 3個多小時裡, 回想了很多小時候同潔姨的遊歷...
下船經過bar... o的花生得好奇怪, unidirection in horizontal... 笑死左, 上石級問中大那條長o的定係這條, 當然係這條了... 很想再take photo的奇怪樹幹不見了...
蜘蛛射擊聽到cat好excited, 但係因為天氣凍所以找不到... I feel disappointed too! 石排灣的士多"補給站"今次都仲見到, 好開心! 之後上左Tung O, 我自己都未行過, 原來要行咁高的! 雖然有o的辛苦, cat仲行到喘哂氣咁, 但係好開心... 想不到有o的山路feel... 上到山頂仲要怕俾人過頭... 落山經過個亭, cat開始係咁話這裡又去過, 那裡又去過... 哈哈... 睇手煙花但係又唔買個笑話笑死... 中途買左炭燒雞及懷舊雪條... 超正呀... 好好味呀...
行左成日, 晚上當然係食海鮮了... 我話冇錢都要食... 揀左個露天既位坐... 諗住有feel呀... 但係因為下雨結果只係坐得一陣... 扇貝真係好好味, 仲要好肥大tim, x尿蝦都好好味... 仲有我同cat都好中意既炸鏝頭... 雖然係有o的貴, 但係食得好開心... 之後雨愈下愈大... 上左船就返家了... 晚上係咁"er"都係海鮮味...
PS 這陣子因為要加油讀書, 工作上又較忙, diary的update真係會慢左... 怕很多細節會唔得得呢... >.<

讀書天 (4月, partial day)

4月14日
今天是受難節, 用特別的心過是第一次...
4天holiday的第一天, 去那裡食過lunch, "軟瞉蟹的眼"令人難忘... >.< 一心諗住去中央, 但係因為受難節的原因要休息一天(??!! 有冇搞錯 ??!! 唔係親身去到真係唔信 ... -___-" ), 所以去左另一個清靜的地方...
讀讀下變左幫cat填form, 不過佢o的information都未齊, 看來還是會趕不及的了... 同時讀書0的進度很慢... 慢慢的又out of schedule... 不過, 同cat一齊讀書真係好開心... ~^^~
晚上返家吃dinner, 食飯, 睇電視, 傾電話, 咁又一日lu...

~難得的得閒week~

4月10-13日
今個week, Stephen要左4日假... Pierre仲要wed/thu都唔係HK... 開心死... 個個冇皇管... HAHAHA
唉... 其實個個week都係返工咁上下... 在這裡沒有什麼特別的好寫, 反而令我覺得其實原來我的生活沒有什麼特別的意義... 平淡的生活是福, 但是每天向Ip sir說早晨又是為了什麼? 很想有一些特別的事發生? 很想有特別的盼望? 有時候覺得自己也有很難理解的一面...
這個week中的其中一個lunch又見到馬少, 今次係佢特登走過來的, 見到佢都好開心... 不過佢很快會轉工了, 很快也許又很難才會再見...
個肚食日唔舒服, 希望來日會有好轉...
成日都唔得閒太diary... 有o的細節唔記得左...
special event highlights:
10日一起身收到cat的SMS, 笑了出來, 還被家人問了什麼事... @@
11日同cat係又一城睇"獨家試愛", 因為有免費ticket才會看, 想不到個story係咁樣的... overall拍得不好, 但係最後那個"對唔住x n次"的shot, 馬上就到SMS的shot, 個turn太sharp同太令人scare了...

信心決心

4月9日
星期天, 由於昨天我同cat都好累... 今天差點起唔切, 起身時見住阿媽驚叫, 嚇死佢... 要不是這個世上有taxi這個東西, 我想沒有什麼可能咁都食完早餐仲可以趕很切... 今天不斷的番著bible, cat說的雅閣的那些presentation很想看... 每一次聽道心中都有一份信心, 但是也知道是自己的決心不足, 明白欠的是一件令自己感動的事, 希望那一天快些來臨...
18P很快的返回我那個沒有人的家, 心粥館看阿婆吃飯很溫暖, 佢一定要食"飯"先會覺得飽... 妹姨很協力的幫我考試, 我都好想考到... 但是已經有考兩次的預感... 於是做gym, 食dinner, 做paper, 很快的又一天,... 晚上的電話, 開始像樣, 坐起來的談話, 是帶有意思的喜悅... 信心決心的, 都是這天說了一遍又一遍...

讀書天 (4月version)

4月8日
星期六, 也是讀書天了, 早上梳洗過, 很快的出了門... 今日都係係新森林, 不過係食lunch... 有o的怪怪地, 都係早餐好食o的...
熟悉的車, 熟悉的地方, 上到去自己會坐番"自己位", ... 今天很專心, 雖然讀左唔一定考得好, 但係好專心咁讀應該對得住自己...
搞下搞下已經係7點... 想不到係沙田元氣要等到8點先有得食... 哈哈... 想不到10點的戲都睇唔到... 真係有o的激氣... 唔緊要了, 坐車落左西環... 自己都好耐冇入過沙倉... 那邊原來已經變到咁樣... 哈哈... 好似自己唔係係那裡住咁 @@
行著走著, 今天讀過書大家都很累, 說著下個week的行程, 怕的想去的, 都諗好了, 最後一切看天...

這麼近那麼遠

4月6-7日
6日返工冇乜事, 早上開會, 下午準時放工, 基本上係冇事發生... 點解會咁平靜既呢... 係lunch打機的時候見返馬少! 實在太想不到原來佢中六變左係Ray既同學! 太懷念了... 世界可以好大, 也都可以好細! 雖然只係短短一陣子, 但係都覺得好開心! 其他的... 可能只係因為我太耐冇寫所以唔記得...
7日很快又到左Fri, 今日早o的返家食飯, 早o的出去陪cat, 係家左近見到Kallen, 佢剛剛放學, 也都係好開心, 雖然都只係見左好一陣only... 一句"我出銅鑼灣", 就這樣的分別, 世界就是"這麼近那麼遠"... cat畫多左成半個hrs先畫完...... 佢下來, 一齊行左陣, 今次係大球場clockwise咁行, "bububububu"... 重覆的步履, 不重覆的經歷...
PS 希望個肚會慢慢好番... >.<

下水的清明節

4月5日
今日清明, 但係只係plan留返係家讀書, 沒有什麼特別, 一早起身諗住去游水, 但係一時唔記得要"洗池"... 結果早上haircut 左, 今次叫佢剪短少少, 迎接夏天的來臨~~
平靜的一天, study progress = 60%, 要加多些勁才行了... 晚上終於去到swimming... 好開心, 但係好凍! 游左1x個塘, 最後游到"抽根"先走... HAHAHAHA

返工很爛, 放工精彩的兒童節 ~^^~

4月2-4日
2日星期日, 一早就出左好, 今次很好, 沒有再late, 雖然今天不是他, 但是別人說的從內心還是有一絲的感動... 會做好一些態度上要注意的, 因為重要的不是自己... 之後同cat行左去佢上堂的地方, 我想大慨不久的將來自己都會係那裡出入, 我要的是再安定一些的工作時間...
lunch同大姑媽食, 一家大細要佢請真係唔好意思, 冇胃口所以只係食左好少. 做gym的食dinner的, 沒有特別, 很快的又過了一個星期天...
3日: 返工的第一天, 無間的做著data amendment, 這陣子讀CISA的書, 一邊讀一邊諗緊自己工作做的事, 明白當中的臨界點, 所以很放心又很擔心...
4日: 今天很爛, 返工等放工, 經過昨天一整天的緊張, 今天都沒有了神, 用左1個hrs玩左2個killer, ... 係UCC食過晚飯, 那裡的飯都是standard好吃... 試左新既都係麻麻地, 但係個mango puff都幾好...
晚上要celebrate兒童節, 所以心中覺得唔做一o的兒童的東西唔安落... 所以最後都去左網吧, 今次睇住cat"完全制霸"左個typing of the dead, 真係汗x10... 打字隨時快過我公司的data input同事... HAHAHA

exciting day!

4月1日
因為昨晚的任性, 今天就要返工(OT)了, 搞左成4個hrs總算做左o的成績, 但係到左星期一就大件事... 哈哈哈!!!
推左Siu Chun同Sam既飯局, 但係知道Siu Chun同nlu個境都好, 都替佢地高興... 如果自己都好就更好了... 這陣子工作同金錢運都好差...
同cat食lunch, prawn noodles好多人, 但係o的noodles好好食, 次次去到都好想笑, 因為去年summer的一件趣事... 哈哈 x10! 之後中央好多人, 迫住坐sofa study, 身邊的人很嘈, 下次都係返中大, 個環境好好多...
晚上RedAnt, 真係冇哂試新野的mood... standard的永遠最好吃... 行去伊館又有人問路...@@ table tennis本來贏cat兩局最後竟然倒輸二局... 真係激死! 下次一定要贏返! >.<
意猶未盡, 和cat去左以前同Steve去開那一間Cyber Cafe打機... 可以再次見識Cat的Typing of the dead技術真係再次"O"哂嘴... 超勁! 睇佢打仲緊張過佢玩... HAHAHA

冇事!

3月29-31日
平淡的幾天, 有o的唔係好記得做過乜...
母親body check的report返左來, 冇哂事... 多謝神的保守!
這幾天都冇心情工作... IPO的後遺症仲未消去...
路是一步一步走出來的...
29日放工的時候被PL叫左入房話要借書... 今次要麻煩cat了... hehhe... 唔該哂~~ 晚上做gym, 唔係好舒服, 做左一陣就走左... 今天有很多的反思, 母親和cat都話得我很對, 我記於心中...
30日就更唔知做乜, 一返工就已經有走的閃念... 所有的擔心隨風逝去...
31日, 3月的最後一日, 2626上市了, 恭喜所有抽中的朋友, 位位賺2.4k... 個program成日死下死下咁, 個function entitlement看來"命不久已"... 本來想OT fix左佢但係晚上有o的頭痛, 走左去天地睇左陣書, 打左陣機, cat也都放學了, 1.1k睇左100元, 差o的俾唔到$佢... 行下行下, 講左好多平時好少講既野, 轉眼已經到左北角...